Neft Fondunun büdcəsi
Dövlət Neft Fondunun 2025-ci il büdcəsi təsdiqlənib. Fondun gəlir proqnozu 14,4 milyard manat, xərc proqnozu 14,6 milyard manatdır.
Xərc istiqamətləri belə rəsmiləşib: 2025-ci ilin dövlət büdcəsinə köçürmə – 14 milyard 481 milyon manat; gənclərin xarici ölkələrin nüfuzlu ali təhsil müəssisələrində təhsil almaları proqramı – 90 milyon 780 min manat; ali təhsil sisteminin beynəlxalq rəqabətliliyinin artırılması proqramı – 24,7 milyon manat; fondun idarə edilməsi xərcləri – 43,7 milyon manat.
Dövlət Neft Fondu 1999-cu ildə yaradılıb. 2024-cü il oktyabrın 1-nə qurumun aktivləri 61 milyard 697,6 milyon ABŞ dolları göstərilib.
