Rəsmi matəmlər
Dövlət müstəqilliyinin bərpasından bəri Azərbaycanda 12 dəfə rəsmən matəm elan edilib:
1991-ci ilin noyabrında dövlət və hökumət adamlarını, hərbçiləri, jurnalistləri daşıyan vertolyotun Qarabağda vurulmasına görə;
1992-ci ilin fevralında Xocalı şəhərində törədilmiş qırğına görə;
1993-cü ilin aprelində Türkiyə prezidenti Turqut Özalın vəfatına görə;
1993-cü ilin iyununda Gəncə şəhərində hərbi qiyam zamanı baş vermiş toqquşmalara görə;
1994-cü il martında Bakı metrosunun “20 Yanvar” stansiyasında törədilmiş terror aktına görə;
1994-cü ilin iyulunda Bakı metrosunun “Gənclik” stansiyasında törədilmiş terror aktına görə;
1995-ci ilin oktyabrında Bakı metrosunun “Nərimanov” və “Ulduz” stansiyaları arasında baş vermiş qəzaya görə;
1995-ci ilin dekabrında Naxçıvan Muxtar Respublikasından Bakıya uçan sərnişin təyyarəsinin qəzaya uğramasına görə;
2002-ci ilin oktyabrında Azərbaycanın “Merkuri-2” bərəsinin Xəzər dənizində batmasına görə;
2003-cü ilin dekabrında Azərbaycanın üçüncü prezidenti Heydər Əliyevin vəfatına görə;
2015-ci ilin dekabrında Azərbaycan Dövlət Neft Şirkətinin “Günəşli” yatağının 10 saylı stasionar dərin dəniz özülündə baş vermiş qəzaya görə;
2024-cü ilin dekabrında Azərbaycanın sərnişin təyyarəsinin Qazaxıstan ərazisində qəzaya uğramasına görə.
