Yaşıl meydanlarda
Azərbaycanın milli futbol çempionatının yüksək dəstəsində (premyer liqa) iki dövrə arxada qalıb. “Qarabağ” 18 turda 47, “Araz-Naxçıvan” 39, “Turan Tovuz” 32, “Zirə” 30, “Sabah” 26, “Sumqayıt” 20, “Şamaxı” və “Neftçi” 17, “Kəpəz” 11, “Səbail” 9 xal toplayıb.
Dörd dövrəlik turnirdə çempion UEFA Çempionlar Liqasına, gümüş və bürünc mükafatçılar Konfrans Liqasına dəvət alır, sonuncu pilləni tutan premyer liqanı tərk edir.
1992-ci ildən başlayaraq milli çempionatda 8 komanda qızıl medallara sahib çıxıb: “Qarabağ” 11, “Neftçi” 9, “Kəpəz” 3, “Şəmkir”, “Bakı” və “İnter” (indiki “Şamaxı”) 2, “Turan” (Tovuz) və “Xəzər Lənkəran” 1 dəfə çempion olub.
Avropanın aparıcı çempionatlarına gəlincə, İngiltərədə 39 xalla “Liverpul” öndədir. “Çelsi” 35, “Arsenal” 33, “Nottingem Forest” 31 xal toplayıb.
İspaniya çempionatına 41 xalla “Atletiko” başçılıq edir. “Real” 40, “Barselona” 38, “Atletik” 36 xal götürüb.
İtaliya çempionatında 40 xalla “Atalanta” liderdir. “Napoli” 38, “İnter” və “Latsio” 34 xal yığıb.
Almaniya çempionatında 36 xalla “Bavariya” irəli çıxıb. Lideri “Bayer” 32, “Ayntraxt” (Frankfurt) və “Leypsiq” 27 xalla izləyir.
Fransa çempionatında PSJ 40, “Marsel” və “Monako” 30, “Lill” 27, “Lion” 25 xal əldə edib.
