İxrac-idxal incəlikləri
2024-cü ilin yanvar-noyabr aylarında Azərbaycanın qeyri-neft/qaz sektoru üzrə ixracı 3 milyard 90,6 milyon dolları ötüb. Dövlət Gömrük Komitəsi meyvə-tərəvəz ixracını 628 milyon dollar, plastmas və ondan hazırlanan məmulatlar ixracını 360,7 milyon dollar, kimya sənayesi məhsulları ixracını 265,5 milyon dollar, alüminium və ondan hazırlanan məmulatlar ixracını 182,6 milyon dollar, pambıq lifi ixracını 169,9 milyon dollar göstərir.
Hesabata görə, elektrik enerjisi ixracı 93,9 milyon dollar, qara metallar və onlardan hazırlanan məmulatlar ixracı 81,1 milyon dollar, alkoqollu və alkoqolsuz içkilər, sirkə ixracı 64,4 milyon dollar, sement ixracı 48,1 milyon dollar, şəkər ixracı 37,4 milyon dollar, tərəvəz və meyvələrin emal məhsulları ixracı 33,1 milyon dollar, iplik pambıq ixracı 26,9 milyon dollar, bitki və heyvan mənşəli piylər və yağlar ixracı 25,5 milyon dollar, çay ixracı 5,9 milyon dollar dəyərində rəsmiləşib.
Əsas idxal məhsulları belə sıralanır: maşın, mexanizm, elektrik aparatları, avadanlıqlar və onların hissələri – 3,4 milyard dollar, nəqliyyat vasitələri və onların hissələri – 2,2 milyard dollar, yeyinti məhsulları – 2,1 milyard dollar, qara metallar və onlardan hazırlanan məmulatlar – 1 milyard 80,3 milyon dollar, plastmas və onlardan hazırlanan məmulatlar – 487,2 milyon dollar, əczaçılıq məhsulları – 467,1 milyon dollar, geyim və geyim ləvazimatı – 383,7 milyon dollar, oduncaq və ondan hazırlanan məmulatlar – 370 milyon dollar, mebel və onun hissələri – 150,1 milyon dollar, tütün və tütün məmulatları – 106,9 milyon dollar, gübrə – 69,2 milyon dollar.
