Fransada yeni hökumət
Dekabrın 23-ü Fransada yeni hökumətin qurulması başa çatıb. Kabinetin ilk iclasının 2025-ci il yanvarın 3-nə təyin olunduğu xəbər verilir.
Ölkədə hökumət həm prezident seçkisinin, həm də parlamentin aşağı palatasına – Milli Məclisə seçkinin nəticələri əsasında formalaşır.
2017 və 2022-ci illərdə Emmanuel Makron prezident seçilib. Dövlət başçısının İntibah Partiyası və müttəfiqləri Milli Məclisə 2024-cü il iyunun 30-u və iyulun 7-də keçirilmiş seçkidə uduzsalar da, azlıq hökuməti qura biliblər. Ancaq dekabrın 4-də Milli Məclis hökumətə etimadsızlıq göstərib, sentyabrın 5-dən baş nazir postunu tutan Mişel Barnye istefaya gedib. Dekabrın 13-dən Fransua Bayru baş nazirdir.
