Makroiqtisadi hesabat
Azərbaycanın 2024-cü il büdcəsində 36 milyard 388 milyon manat gəlir, 39 milyard 742,3 milyon manat xərc nəzərdə tutulur. Rəsmi hesabata görə, yanvar-noyabr aylarında dövlət büdcəsinə 34 milyard 56,2 milyon manat gəlib, büdcədən 31 milyard 38,1 milyon manat xərclənib. On aylıq icra göstəriciləri belədir:
yanvar – 3 milyard 465,9 milyon manat gəlir, 1 milyard 723,6 milyon manat xərc;
fevral – 3 milyard 45 milyon manat gəlir, 3 milyard 529,4 milyon manat xərc;
mart – 2 milyard 723,2 milyon manat gəlir, 3 milyard 159,6 milyon manat xərc;
aprel – 4 milyard 25,3 milyon manat gəlir, 2 milyard 336,9 milyon manat xərc;
may – 2 milyard 746,4 milyon manat gəlir, 2 milyard 723,4 milyon manat xərc;
iyun – 2 milyard 837 milyon manat gəlir, 2 milyard 579,2 milyon manat xərc;
iyul – 3 milyard 742 milyon manat gəlir, 3 milyard 406,3 milyon manat xərc;
avqust – 2 milyard 638,6 milyon manat gəlir, 2 milyard 904 milyon manat xərc;
sentyabr – 2 milyard 513,6 milyon manat gəlir, 2 milyard 811,9 milyon manat xərc;
oktyabr – 3 milyard 805,3 milyon manat gəlir, 2 milyard 933,9 milyon manat xərc.
Dövlət Statistika Komitəsi həmçinin bildirir ki, yanvar-noyabr aylarında ölkədə kənd təsərrüfatı məhsulu 2023-cü ilin eyni dövrü ilə müqayisədə 1 faiz artıb (heyvandarlıq məhsulları istehsalı 1,4 faiz, bitkiçilik məhsulları istehsalı 0,6 faiz).
Nəqliyyat sektorunda yük daşınması üzrə yüksəliş 3,3 faiz, sərnişin daşınması üzrə 8 faiz göstərilir.
Qeyd olunur ki, informasiya və rabitə xidmətlərinin həcmi 12,5 faiz, ictimai iaşə dövriyyəsi real ifadədə 12,3 faiz, ödənişli xidmətlərin dəyəri real ifadədə 8,5 faiz, əhalinin gəlirləri nominal ifadədə 6,3 faiz artıb.
Dekabrın 1-nə 5 milyon 27,6 min nəfər məşğul əhali, 215,1 min nəfər işsiz qeydə alınıb, muzdlu işçilərin sayı noyabrın 1-nə 1 milyon 773,3 min nəfər göstərilib.
