FİFA-nın üstün bildiyi futbolçular
FİFA-dan ilin ən yaxşı futbolçusu mükafatı alanların siyahısı yenilənib.
1991-ci ildə təsis edilən mükafat milli komandaların baş məşqçiləri və kapitanlarının, həmçinin jurnalistlərin rəyinə əsaslanır.
1991-2009-cu illərdə Ronaldo (Braziliya) və Zinəddin Zidan (Fransa) 3, Ronaldinyo (Braziliya) 2, Lotar Matteus (Almaniya), Marko van Basten (Niderland), Roberto Bacco (İtaliya), Romario (Braziliya), Corc Vea (Liberiya), Rivaldo (Braziliya), Luiş Fiqu (Portuqaliya), Fabio Kannavaro (İtaliya), Kaka (Braziliya), Kriştiano Ronaldo (Portuqaliya) və Lionel Messi (Argentina) 1 mükafat alıb.
2010-2015-ci illərdə mükafat Fransanın “France Football” nəşri ilə birgə təqdim olunub, Lionel Messi 4, Kriştiano Ronaldo 2 yol dünyanın ən yaxşı futbolçusu seçilib.
2016-cı ildən Lionel Messi 3, Kriştiano Ronaldo və Robert Levandovski (Polşa) 2, Luka Modriç (Xorvatiya) və Vinisius Junior (Braziliya) 1 mükafat götürüb.
