Finiş yolunda
UEFA Çempionlar Liqası və Avropa Liqasının liqa raundlarında sona iki, Konfrans Liqasının liqa raundunda bir tur qalır. 36 komandalıq raundlarda 9-24-cü yerləri tutanlar 1/16 finala, ilk 8 pilləni tutanlar 1/8 finala çıxır. Dekabrın 13-dək Çempionlar Liqasında (A) 2, Avropa Liqasında (B) 7, Konfrans Liqasında (C) 16 komanda növbəti mərhələyə adlayıb.
Avropa Liqasında yarışan Azərbaycan təmsilçisi “Qarabağ” 3 xalla 33-cü pillədə yer alır.
Azərbaycan 55 üzvü olan UEFA-nın klub reytinqində 28-ci pillədədir. Reytinq turnirlərin son beş mövsümündə qazanılan əmsallara əsaslanır. Təsnifat mərhələlərində qələbə 1 xal, heç-heçə yarım xal, sonrakı raundlarda qələbə 2 xal, heç-heçə 1 xaldır. Liqa mərhələsindən başlayaraq finala qədər bonus xalları da var. Toplanan xallar qitə turnirlərinə vəsiqə almış ölkə klublarının sayına bölünür və mində bir dəqiqliklə əmsal çıxarılır. Azərbaycan bu mövsüm 2,875 əmsal qazanıb.
