Hökm dəyişmədi
Bakı Apellyasiya Məhkəməsi dekabrın 11-də iqtisadçı, ictimai-siyasi xadim Nazim Bəydəmirlinin şikayəti üzrə qərar verib. Şikayət – bəraət istəyi təmin olunmayıb, birinci instansiya məhkəməsinin qərarı qüvvədə saxlanıb.
2023-cü iyulun 4-də tutulan Nazim Bəydəmirli hədə-qorxu ilə xeyli miqdarda əmlak tələb etmədə ittiham olunub, 2024-cü il sentyabrın 30-da Bakı Ağır Cinayətlər Məhkəməsi ona 8 il həbs cəzası kəsib.
Nazim Bəydəmirli həbsini ictimai fəaliyyəti, hakimiyyəti zaman-zaman tənqid etməsi ilə bağlayır.
1963-cü ildə Gədəbəyin Çay Rəsullu kəndində doğulan Nazim Bəydəmirli iqtisad elmləri doktorudur. Rusiyada və Azərbaycanda biznes fəaliyyəti göstərib. 2005-2010-cu illərdə Milli Məclisin deputatı olub.
