ABŞ-da qüvvələr nisbəti
ABŞ-da 5 noyabr seçkilərinin nəticələrinə görə, Konqresin alt qanadına – 435 nəfərlik Nümayəndələr Palatasına Respublikaçılar Partiyası 220, Demokratlar Partiyası 215 mandat əldə edib.
Yuxarı palatada – 100 nəfərlik Senatda respublikaçıların 53, demokratların 47 yeri var.
Prezident seçkisində respublikaçı Donald Tramp 538 nəfərlik Seçicilər Kollegiyasında 312 nümayəndəyə sahib çıxıb, Demokratlar Partiyasından Kamala Harris 226 nümayəndə qazanıb.
Seçicilər Kollegiyasının seçimi dekabrın 17-nə, Konqresdə (Nümayəndələr Palatası ilə Senatın birgə iclasında) təsdiq 2025-ci il yanvarın 6-na, yeni prezidentin andiçmə mərasimi yanvarın 20-nə təyin olunub.
Vitse-prezident postuna respublikaçı Ceyms Devis (Cey Di) Vens seçilib.
1946-cı il təvəllüdlü Donald Tramp 2017-ci il yanvarın 20-dən 2021-ci il yanvarın 20-dək prezident postunu tutub.
