Qonşuluqda qiymətlər
Noyabrda Gürcüstanın istehlak bazarında qiymətlər 2023-cü ilin eyni ayına nəzərən 1,3 faiz artıb. Milli Statistika Xidməti mehmanxana və ictimai iaşə xidmətlərində bahalaşmanı 7,1 faiz, spirtli içkilər və tütün məmulatlarında 5,1 faiz, təhsil sahəsində 4,9 faiz, ərzaq və spirtsiz içkilərdə 3,1 faiz, səhiyyə xidmətlərində 2,1 faiz göstərir.
Hesabata görə, rabitə xidmətləri 12,9 faiz, kommunal xidmətlər 3,7 faiz, nəqliyyat xidmətləri 2,1 faiz, mebel 0,6 faiz, geyim və ayaqqabılar 0,5 faiz, istirahət və əyləncə sektoru 0,1 faiz ucuzlaşıb.
Ermənistanın Statistika Komitəsi bildirir ki, noyabrda ölkənin istehlak bazarı 2023-cü ilin eyni ayına nəzərən 1,4 faiz bahalaşıb, təhsil sahəsində qiymət 7,8 faiz, nəqliyyat xidmətlərində 5,7 faiz, alkoqollu içkilər və tütün məmulatlarında 4,1 faiz, səhiyyə xidmətlərində 2,5 faiz, ərzaq və spirtsiz içkilərdə, həmçinin restoran və mehmanxana xidmətlərində 1,7 faiz, rabitə xidmətlərində 0,4 faiz artıb.
Məişət avadanlıqlarının 2,7 faiz, geyim və ayaqqabıların 2,5 faiz, kommunal xidmətlərin 0,5 faiz ucuzlaşdığı xəbər verilir.
