Harada neçə bələdiyyə üzvü seçiləcək?
2025-ci il yanvarın 29-da keçiriləcək bələdiyyə seçkiləri 118 seçki dairəsi üzrə 685 bələdiyyəni əhatə edir. 118 saylı Ağdam-Xocalı, 120 saylı Cəbrayıl-Qubadlı, 121 saylı Laçın, 122 saylı Xankəndi, 123 saylı Kəlbəcər, 124 saylı Şuşa-Ağdam-Xocavənd, 125 saylı Zəngilan-Qubadlı dairələri seçki marafonundan kənardır.
Mərkəzi Seçki Komissiyasının məlumatına görə, əhalinin sayından asılı olaraq 9, 11, 13, 15, 17, 19 nəfərlik bələdiyyələrin seçilməsi nəzərdə tutulur (Siyahı).
Bələdiyyə üzvlüyünə namizədlərin irəli sürülməsi noyabrın 28-dən başlayıb. Qeydiyyat üçün zəruri seçki sənədlərinin dairə seçki komissiyasına təqdim edilməsi dekabrın 30-u axşam saat 6-da bitir.
Seçkiqabağı təşviqat 2025-ci il yanvarın 6-dan yanvarın 28-i səhər saat 8-dək aparılacaq.
Bələdiyyələrin səlahiyyət müddəti 5 ildir. Əvvəlki bələdiyyə seçkiləri 1999, 2004, 2009, 2014 və 2019-cu illərdə keçirilib.
