Rumıniya: 7 qurum mandat qazanır
Rumıniyada dekabrın 1-də keçirilmiş parlament seçkisinin ilkin nəticələri açıqlanıb. Hesabata görə, senator və deputatların proporsional sistemlə müəyyənləşdiyi yarışda 7 qurum mandat götürür: Sosial Demokrat Partiyası, Rumınların Birliyi Alyansı, Milli Liberal Partiya, Rumıniyanın Xilası İttifaqı, SOS Partiyası, Rumıniya Macarlarının Demokratik İttifaqı, Gənclər Partiyası.
Hökuməti 136 nəfərlik Senat və 330 nəfərlik Deputatlar Palatasında çoxluq əldə edən siyasi qüvvə qurur.
Dekabrın 8-nə prezident seçkisinin ikinci turu təyin olunub. Noyabrın 24-də keçirilmiş ilk turu partiyasız namizəd Kalin Corcesku və Rumıniyanın Xilası İttifaqının təmsilçisi Yelena Laskoni dəf ediblər.
Parlament dörd, prezident beş ildən bir seçilir.
