Bank statistikası
Azərbaycan Mərkəzi Bankının hesabatına görə, 2024-cü il noyabrın 1-nə ölkənin 22 bankının ümumilikdə 49 milyard 697,8 milyon manat aktivi, 43 milyard 254,6 milyon manat öhdəliyi olub.
Qaytarılma vaxtı keçmiş kreditlərin məbləği 479,8 milyon manat göstərilir. 2024-cü il 437,8 milyon manatla başlayıb.
Noyabrın 1-nə ölkədə 27 milyard 80,5 milyon manat kredit, 14 milyard 265,9 milyon manat əmanət rəsmiləşib.
Mərkəzi Bank bildirir ki, Bakıda 20,8 milyard manat kredit qeydə alınıb. Başqa bölgələr belə sıralanır: Abşeron-Xızı – 1 milyard 11,6 milyon manat, Gəncə-Daşkəsən – 802,9 milyon manat, Lənkəran-Astara – 628,6 milyon manat, Mərkəzi Aran – 536,5 milyon manat, Şəki-Zaqatala – 533,8 milyon manat, Qazax-Tovuz – 509 milyon manat, Qarabağ – 480,5 milyon manat, Quba-Xaçmaz – 454,1 milyon manat, Şirvan-Salyan – 427,3 milyon manat, Naxçıvan – 416,5 milyon manat, Mil-Muğan – 288,4 milyon manat, Dağlıq Şirvan – 182,1 milyon manat.
Bakıda 12,6 milyard manat əmanət qoyulub. Qalan bölgələrin göstəriciləri belədir: Abşeron-Xızı – 451,8 milyon manat, Gəncə-Daşkəsən – 224 milyon manat, Quba-Xaçmaz – 138,6 milyon manat, Lənkəran-Astara – 127,2 milyon manat, Şəki-Zaqatala – 125 milyon manat, Mərkəzi Aran – 118,1 milyon manat, Qazax-Tovuz – 113,1 milyon manat, Qarabağ – 92,1 milyon manat, Şirvan-Salyan – 67,9 milyon manat, Naxçıvan – 67,6 milyon manat, Mil-Muğan – 50,6 milyon manat, Dağlıq Şirvan – 43,6 milyon manat.
Şərqi Zəngəzur iqtisadi rayonu üzrə statistika açıqlanmır.
