Büdcə layihəsində gəlir və xərclər
2025-ci ilin dövlət büdcəsi layihəsində 38 milyard 316 milyon manat gəlir nəzərdə tutulur: Dövlət Vergi Xidmətindən daxilolma – 15 milyard 500 milyon manat, Dövlət Gömrük Komitəsindən daxilolma – 6 milyard 600 milyon manat, Dövlət Neft Fondundan köçürmə – 14 milyard 481 milyon manat, büdcə təşkilatlarının ödənişli xidmətləri üzrə daxilolmalar – 840 milyon manat, başqa gəlirlər 895 milyon manat.
Layihədə 41 milyard 367,6 milyon manat xərc proqnozlaşdırılır, istiqamətlər belə sıralanır: iqtisadi fəaliyyət – 8 milyard 444,1 milyon manat; müdafiə və milli təhlükəsizlik – 8 milyard 396,3 milyon manat; ümumi dövlət xidmətləri – 5 milyard 247,3 milyon manat; təhsil – 4 milyard 946,1 milyon manat; sosial müdafiə və sosial təminat – 4 milyard 811,8 milyon manat; məhkəmə hakimiyyəti, hüquq mühafizə və prokurorluq – 3 milyard 205,2 milyon manat; səhiyyə – 1 milyard 999,4 milyon manat; kənd təsərrüfatı – 1 milyard 171,9 milyon manat; mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyət – 635,3 milyon manat; ətraf mühitin mühafizəsi – 417,7 milyon manat; mənzil və kommunal təsərrüfatı – 364,2 milyon manat, əsas bölmələrə aid edilməyən xərclər – 1 milyard 728,3 milyon manat.
