Xəbərlər yüklənir ...
Rumıniyada noyabrın 24-də keçirilmiş prezident seçkisinin ilkin nəticələri açıqlanıb. Rəsmi hesabata görə, 13 nəfərin yer aldığı yarışda partiyasız namizəd Kalin Corcesku 22,94 faiz, Rumıniyanın Xilası İttifaqının təmsilçisi Yelena Laskoni 19,18 faiz səslə önə çıxırlar. İkinci tur dekabrın 8-nə təyin olunub.
Rumıniya prezident-parlament respublikasıdır. Hökuməti dörd ildən bir proporsional üsulla (partiya siyahıları üzrə) seçilən Senat və Deputatlar Palatasında çoxluq əldə edən siyasi qüvvə qurur. Növbəti parlament seçkisi dekabrın 1-də keçiriləcək.
Prezidentin səlahiyyət müddəti beş ildir. 2014 və 2019-cu illərdə Klaus Yohannis dövlət başçısı seçilib.