Böyük beşlikdə
Avropanın aparıcı milli futbol çempionatlarında növbəti oyunlar arxada qalıb. İngiltərə çempionatında 31 xalla “Liverpul” öndədir. “Mançester Siti” 23, “Çelsi”, “Arsenal” və “Brayton” 22 xal toplayıb.
İspaniya çempionatına 34 xalla “Barselona” başçılıq edir. “Real” 30, “Atletiko” 29, “Vilyarreal” 25, “Atletik” 23, “Osasuna” 22 xal götürüb.
İtaliya çempionatında “Napoli” liderdir: 29 xal. “Atalanta”, “İnter”, “Fiorentina” və “Latsio” 28, “Yuventus” 25 xal yığıb.
Almaniya çempionatında 29 xalla “Bavariya” irəli çıxıb. Lideri “Ayntraxt” (Frankfurt) 23, “Leypsiq” 21, “Bayer” 20, “Borussiya” (Dortmund) 19 xalla izləyir.
Fransa çempionatında PSJ 32, “Monako” 26, “Marsel” 23, “Lill” 22 xal əldə edib.
