Qeyri-neft/qaz ixracının əsas məhsulları
2024-cü ilin yanvar-oktyabr aylarında Azərbaycanın ixracının 2,8 milyard dolları qeyri-neft/qaz sektorunun payına düşüb. Dövlət Gömrük Komitəsi əsas ixrac məhsullarının ilk beşliyində meyvə-tərəvəzi (535 milyon dollar), plastmas və ondan hazırlanan məmulatları (332,6 milyon dollar), kimya sənayesi məhsullarını (237,2 milyon dollar), alüminium və ondan hazırlanan məmulatları (169 milyon dollar), pambıq lifini (161,4 milyon dollar) göstərir.
Hesabata görə, elektrik enerjisi ixracı 93,5 milyon dollar, qara metallar və onlardan hazırlanan məmulatlar ixracı 76,8 milyon dollar, alkoqollu və alkoqolsuz içkilər, sirkə ixracı 59,4 milyon dollar, sement ixracı 43,1 milyon dollar, şəkər ixracı 34,3 milyon dollar, tərəvəz və meyvələrin emal məhsulları ixracı 29,1 milyon dollar, iplik pambıq ixracı 25,2 milyon dollar, bitki və heyvan mənşəli piylər və yağlar ixracı 22,7 milyon dollar, çay ixracı 5,4 milyon dollar dəyərində rəsmiləşib.
