Büdcə zərfi layihələri
2025-ci ilin büdcə zərfinin layihələri parlament müzakirəsinə təqdim olunub. Rəsmi məlumata görə, dövlət büdcəsində 38 milyard 316 milyon manat gəlir, 41 milyard 367,6 milyon manat xərc nəzərdə tutulur. Xərc istiqamətləri belə sıralanır: iqtisadi fəaliyyət – 8,4 milyard manat; müdafiə və milli təhlükəsizlik – 8,3 milyard manat; ümumi dövlət xidmətləri – 5,2 milyard manat; təhsil – 4,9 milyard manat; sosial müdafiə və sosial təminat – 4,8 milyard manat; məhkəmə hakimiyyəti, hüquq mühafizə və prokurorluq – 3,2 milyard manat; səhiyyə – 1,9 milyard manat; kənd təsərrüfatı – 1,1 milyard manat; mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyət – 635,2 milyon manat; ətraf mühitin mühafizəsi – 417,6 milyon manat; mənzil və kommunal təsərrüfatı – 364,2 milyon manat, əsas bölmələrə aid edilməyən xərclər – 1,7 milyard manat.
Dövlət Sosial Müdafiə Fondunun büdcəsində xərclər 7 milyard 676,4 milyon manat, işsizlikdən sığorta fondunun büdcəsində 260,7 milyon manat göstərilir.
2025-ci il üçün yaşayış minimumu və ünvanlı dövlət sosial yardımının təyin edilməsi məqsədilə ehtiyac meyarının həddi 285 manat götürülür.
