Fəxri adların təqaüdü
Rəsmi hesabata əsasən, 2024-cü il oktyabrın 1-nə 175 nəfərə Vətən Müharibəsi Qəhrəmanı adına görə təqaüd (2000 manat), 175 nəfərə Azərbaycanın Milli Qəhrəmanı adına görə təqaüd (1800 manat) verilib. Təqaüdləri ya həmin adları daşıyan şəxslər, ya da onların dul arvadları və 18 yaşına çatmamış uşaqları alıb.
“Xalq” fəxri adına görə təqaüd alanların sayı 252 nəfər, “Əməkdar” fəxri adına görə təqaüd alanların sayı 4539 nəfər göstərilir.
Xalq yazıçısı, xalq şairi, xalq artisti və xalq rəssamı fəxri adları üçün aylıq təqaüdün məbləği 200 manatdır.
Əməkdar elm xadimi, əməkdar incəsənət xadimi, əməkdar artist, əməkdar rəssam, əməkdar mədəniyyət işçisi, əməkdar müəllim, əməkdar həkim, əməkdar memar, əməkdar dövlət qulluqçusu, əməkdar bədən tərbiyəsi və idman xadimi, əməkdar jurnalist, əməkdar mühəndis, əməkdar hüquqşünas, əməkdar kənd təsərrüfatı işçisi, əməkdar pilot, əməkdar tibb işçisi üçün 150 manat aylıq təqaüd müəyyən edilib.
