Pensiyada artım faizi
Azərbaycanda pensiyalar orta aylıq nominal əməkhaqqının illik artım tempinə uyğun indeksləşdirilir. Rəsmi statistikaya görə, yanvar-sentyabr aylarında muzdlu işçilərin orta maaşı 2023-cü ilin eyni dövrünə nəzərən 8 faiz artıb. Yekun rəqəm 2025-ci ilin fevralında açıqlanacaq.
2023-cü il fevralın 1-dən minimum pensiya 280 manatdır.
Kişilər 65, qadınlar 64 yaşda pensiyaya çıxır. 2026-cı il iyulun 1-dən qadınların da pensiya yaşı 65 olacaq.
Pensiyaya çıxmaq üçün ya 25 il sığorta stajı, ya da minimum pensiya kapitalı (40320 manat) tələb olunur. 2006-cı il yanvarın 1-dən 2018-ci il iyulun 1-dək hər hansı məbləğdə pensiya kapitalı toplamış şəxsin sosial sığorta stajı avtomatik 25 il hesablanır, əks halda pensiya yaşı çatan şəxsə yaşa görə 220 manat aylıq müavinət verilir.
2024-cü il oktyabrın 1-nə Dövlət Sosial Müdafiə Fondunda 1 milyon 98,5 min nəfər pensiyaçı qeydiyyatda olub.
2010-cu ilə pensiyaçıların sayı 1 milyon 308,4 min, 2011-ci ilə 1 milyon 292,2 min, 2012-ci ilə 1 milyon 277,6 min, 2013-cü ilə 1 milyon 272,1 min, 2014-cü ilə 1 milyon 277,1 min, 2015-ci ilə 1 milyon 290,9 min, 2016-cı ilə 1 milyon 299,9 min, 2017-ci ilə 1 milyon 315,2 min, 2018-ci ilə 1 milyon 318,4 min, 2019-cu ilə 1 milyon 295,5 min, 2020-ci ilə 1 milyon 270,6 min, 2021-ci ilə 1 milyon 228,8 min, 2022-ci ilə 1 milyon 200,5 min, 2023-cü ilə 1 milyon 114,2 min, 2024-cü ilə 1 milyon 96 min nəfər göstərilib.
Oktyabrın 1-nə yaşa görə aylıq müavinət alanların sayı 154,8 min nəfər olub.
