Naxçıvanın sosial-iqtisadi göstəriciləri
Naxçıvan Muxtar Respublikasının Dövlət Statistika Komitəsi bildirir ki, yanvar-oktyabr aylarında bölgədə ümumi daxili məhsul istehsalı 2023-cü ilin eyni dövrü ilə müqayisədə 1,1 faiz artıb. Sərməyə qoyuluşunda 4,6 faiz, kənd təsərrüfatında 1,5 faiz, yük daşınmasında 1 faiz, sərnişin daşınmasında 1,2 faiz, informasiya və rabitə xidmətlərinin dəyərində 4 faiz, pərakəndə ticarət dövriyyəsində 0,9 faiz, ödənişli xidmətlərin dəyərində 0,6 faiz yüksəliş, sənayedə 0,1 faiz geriləmə qeydə alındığı qeyd olunur.
Hesabata görə, xarici ticarət dövriyyəsi 15,2 faiz, ixrac 31,7 faiz, idxal 13,3 faiz azalıb.
Oktyabrın 1-nə orta aylıq nominal əməkhaqqı 772,5 manat göstərilir.
