Liqa raundlarında durum
UEFA Çempionlar Liqası (1) və Avropa Liqasının (2) liqa raundlarında səkkiz turun dördü, Konfrans Liqasının (3) liqa raundunda altı turun üçü oynanıb. Hər birində 36 komanda olan liqa raundlarında 9-24-cü yerləri tutanlar 1/16 finala, ilk 8 pilləni tutanlar 1/8 finala çıxacaq.
Xallar bərabər olanda ardıcıllıqla bu meyarlar əsas götürülür: top fərqi, qol sayı, səfərdə qol sayı, qələbə sayı, rəqib meydanında qələbə sayı, rəqiblərin göstəriciləri (xal, top fərqi, qol sayı), cəza balı (sarı və qırmızı vərəqələr), komandanın reytinqi.
Avropa Liqasında yarışan Azərbaycan təmsilçisi “Qarabağ” 3 xalla 29-cu pillədə yer alır.
Azərbaycan 55 üzvü olan UEFA-nın klub reytinqində 27-ci pillədədir. Reytinq turnirlərin son beş mövsümündə qazanılan əmsallara əsaslanır. Təsnifat mərhələlərində qələbə 1 xal, heç-heçə yarım xal, sonrakı raundlarda qələbə 2 xal, heç-heçə 1 xaldır. Liqa mərhələsindən başlayaraq finala qədər bonus xalları da var.
Toplanan xallar qitə turnirlərinə vəsiqə almış ölkə klublarının sayına bölünür və mində bir dəqiqliklə əmsal çıxarılır. Azərbaycan bu mövsüm 2,875 əmsal qazanıb.
