Yenə Mayya dönəmi
Moldovada prezident seçkisi başa çatıb. İlkin hesabata görə, dövlət başçısı Mayya Sandu noyabrın 3-də keçirilmiş ikinci turda müxalif rəqibi Aleksandr Stoyanoqlonu 55,4 faiz səslə qabaqlayır.
Oktyabrın 20-də keçirilmiş birinci turda 11 namizəd yarışmışdı.
Mayya Sandu 1972-ci ildə doğulub. Maarif naziri, baş nazir postlarını tutub, 2020-ci il noyabrın 15-də prezident seçilib, dekabrın 24-də səlahiyyətlərinin icrasına başlayıb.
Prezidentin səlahiyyət müddəti 4 ildir.
Parlament respublikası olan Moldovada hökuməti 101 yerlik qanunverici orqanda mandatların yarıdan çoxuna sahib olan partiya qurur. Hazırda Mayya Sanduya bağlı Hərəkət və Həmrəylik Partiyası hakim qurumdur.
