Gürcüstanın istehlak bazarı
Gürcüstanın Milli Statistika Xidməti bildirir ki, oktyabrda ölkənin istehlak bazarında qiymətlər 2023-cü ilin eyni ayına nəzərən 0,3 faiz artıb. Mehmanxana və ictimai iaşə xidmətlərində bahalaşma 7,6 faiz, təhsil sahəsində 5 faiz, spirtli içkilər və tütün məmulatlarında 3,3 faiz, geyim və ayaqqabılarda 1,9 faiz, ərzaq və spirtsiz içkilərdə 0,4 faiz, səhiyyə xidmətlərində 0,3 faiz göstərilir.
Hesabata görə, rabitə xidmətləri 12,7 faiz, kommunal xidmətlər 3 faiz, mebel və məişət avadanlıqları 2,3 faiz, nəqliyyat xidmətləri 0,8 faiz, istirahət, əyləncə və mədəniyyət sektoru 0,2 faiz ucuzlaşıb.
