Böyük beşlikdə
Avropanın aparıcı milli futbol çempionatlarında növbəti oyunlar arxada qalıb. İngiltərə çempionatında 25 xalla “Liverpul” öndədir. “Mançester Siti” 23, “Nottingem Forest” 19, “Çelsi”, “Arsenal” və “Aston Villa” 18 xal toplayıb.
İspaniya çempionatına 33 xalla “Barselona” başçılıq edir. “Real” 24, “Atletiko” 23, “Vilyarreal” və “Osasuna” 21, “Atletik” və “Betis” 19 xal götürüb.
İtaliya çempionatında “Napoli” liderdir: 25 xal. “İnter” 24, “Atalanta” və “Fiorentina” 22, “Yuventus” 21, “Latsio” 19 xal yığıb.
Almaniya çempionatında 23 xalla “Bavariya” irəli çıxıb. Lideri “Leypsiq” 20, “Ayntraxt” (Frankfurt) 17, “Bayer”, “Borussiya” (Dortmund) və “Frayburq” 16 xalla izləyir.
Fransa çempionatında PSJ 26, “Marsel” və “Monako” 20, “Lill” 18, “Nitsa” 16, “Lion” 15 xal əldə edib.
