Yaponiyada yarımçıq qələbə
Yaponiya parlamentinin aşağı palatasına oktyabrın 27-də keçirilmiş seçkinin ilkin nəticələri bəlli olub. Rəsmi məlumata görə, baş nazir Siqeru İsibanın liderlik etdiyi Liberal Demokrat Partiyası 465 yerlik qanunverici orqanda 191 mandata, koalisiyaya daxil olan Komeyto Partiyası 24 mandata sahib çıxır.
Əsas müxalif qüvvə sayılan Konstitusion Demokrat Partiyasının 148 mandat götürdüyü vurğulanır.
Hökumət qurmaq üçün 233 mandat gərəkdir.
Yaponiya konstitusiyalı monarxiyadır. 2019-cu ildən Naruhito imperatorluq edir.
Onun mənsub olduğu sülalə bizim eradan əvvəl 660-cı ildən ölkənin başındadır.
