Litvada mandat bölgüsü
Litvada oktyabrın 13-ü və 27-də keçirilmiş parlament seçkisinin nəticələri açıqlanıb. Rəsmi hesabata görə, Sosial Demokrat Partiyası 52, Vətən İttifaqı – Xristian Demokratlar Partiyası 28, Neman Şəfəqi Partiyası 20, Demokratların Litva Uğrunda İttifaqı 14, Liberallar Hərəkatı 12, Kəndlilər və Yaşıllar İttifaqı 8, Litva Polyakları və Xristian Ailələri İttifaqı 3, Azadlıq və Hüquq Partiyası ilə Milli Alyans Partiyası hərəyə 1 mandat götürüb, 2 mandat partiyasız şəxsə qismət olub.
Litvada hökumət parlament seçkisinin nəticələri əsasında formalaşır. 141 yerlik parlamentin 70 deputatı proporsional, 71 deputatı majoritar sistemlə seçilir.
