Dövlət Miqrasiya Xidmətinin hesabatı
Dövlət Miqrasiya Xidməti doqquz aylıq statistika yayıb. Hesabata görə, 2024-cü ilin yanvar-sentyabr aylarında qanunvericiliyin pozulması 16526 qərarın çıxarılmasına gətirib.
4176 qərarda cərimə ödəməklə Azərbaycanı tərk etmək tələbi yer alıb, 3983 qərar ölkədə yaşamanı qanuniləşdirib.
1744 qərar ölkədən inzibati qaydada çıxarılmaqla cərimə tətbiqini, 5683 qərar ölkəyə girişə məhdudiyyəti nəzərdə tutub.
Azərbaycanda yaşamaq üçün icazə sənədinin itirilməsi üzrə 370, əcnəbilərin işə cəlb edilməsi qaydasının pozulması üzrə 442, qeydiyyat tələblərinin pozulması üzrə 128 qərar rəsmiləşib.
