Makroiqtisadi göstəricilər
Yanvar-sentyabr aylarında Azərbaycanda kənd təsərrüfatı məhsulu 2023-cü ilin eyni dövrü ilə müqayisədə 0,8 faiz artıb (heyvandarlıq məhsulları istehsalı 1,4 faiz, bitkiçilik məhsulları istehsalı 0,3 faiz).
Hesabatı yayan Dövlət Statistika Komitəsi bildirir ki, yük daşınması üzrə 4 faiz, sərnişin daşınması üzrə 9 faiz, informasiya və rabitə xidmətlərinin həcmində 12,3 faiz, ictimai iaşə dövriyyəsində 10 faiz, əhaliyə göstərilən ödənişli xidmətlərin dəyərində 8,3 faiz yüksəliş qeydə alınıb.
Əhalinin gəlirlərinin nominal ifadədə 6,1 faiz artdığı vurğulanır, qeyd olunur ki, yanvar-sentyabr aylarında dövlət büdcəsinə 27 milyard 737 milyon manat gəlib, büdcədən 25 milyard 174,3 milyon manat xərclənib.
2024-cü ilin dövlət büdcəsində 36 milyard 388 milyon manat gəlir, 39 milyard 742,3 milyon manat xərc nəzərdə tutulur. Səkkiz aylıq icra göstəriciləri belədir:
yanvar – 3 milyard 465,9 milyon manat gəlir, 1 milyard 723,6 milyon manat xərc;
fevral – 3 milyard 45 milyon manat gəlir, 3 milyard 529,4 milyon manat xərc;
mart – 2 milyard 723,2 milyon manat gəlir, 3 milyard 159,6 milyon manat xərc;
aprel – 4 milyard 25,3 milyon manat gəlir, 2 milyard 336,9 milyon manat xərc;
may – 2 milyard 746,4 milyon manat gəlir, 2 milyard 723,4 milyon manat xərc;
iyun – 2 milyard 837 milyon manat gəlir, 2 milyard 579,2 milyon manat xərc;
iyul – 3 milyard 742 milyon manat gəlir, 3 milyard 406,3 milyon manat xərc;
avqust – 2 milyard 638,6 milyon manat gəlir, 2 milyard 904 milyon manat xərc.
