Litva: parlament seçkisi yarılandı
Litvada parlament seçkisinin ilk turunun nəticələri açıqlanıb. Rəsmi hesabata görə, oktyabrın 13-də keçirilmiş səsvermədə Sosial Demokrat Partiyası 20, Vətən İttifaqı – Xristian Demokratlar Partiyası 18, Neman Şəfəqi Partiyası 15, Demokratların Litva Uğrunda İttifaqı və Liberallar Hərəkatı hərəyə 8, Kəndlilər və Yaşıllar İttifaqı 6, Litva Polyakları və Xristian Ailələri İttifaqı 2 mandat götürüb, 1 mandat partiyasız şəxsə qismət olub.
63 mandatın taleyinə oktyabrın 27-nə təyin olunmuş ikinci turda aydınlıq gələcək.
141 yerlik parlamentin 70 deputatı proporsional, 71 deputatı majoritar sistemlə seçilir.
