İflasa doğru
Azərbaycan milli komandası UEFA Millətlər Liqasının 2024-2025 mövsümündəki dörd oyununun hamısında yenilib. C liqasının 1-ci qrupunda yarışan yığma sona iki tur qalmış 4 komanda arasında sonuncu pillədə qərar tutub. Rəqiblər İsveç, Slovakiya və Estoniyadır.
Reqlamentə görə, C liqasında sonuncu yeri tutanların iki zəifi D liqasına düşür, nəticələri yüksək ikisi D liqası qruplarında ikinci olmuş komandalarla düşmə/yüksəlmə oyunlarına çıxır.
Beynəlxalq turnirlərə 1994-cü ildən qatılan Azərbaycan millisi dörd Avropa çempionatının seçmə mərhələsini qrupda sonuncu, dördünü sondan əvvəlki pillədə bitirib.
Dörd dünya çempionatının seçmə mərhələsində yığma qrupda sonuncu, ikisində sondan əvvəlki, birində axırdan üçüncü pilləni tutub.
Yığma bir yol Millətlər Liqasının ən aşağı liqasında qrup ikincisi olub, sondan yuxarı liqasında bir yol üçüncü, bir yol ikinci yerdə qərarlaşıb.
2024-cü il iyunun 12-dən yığmaya Fernando Santoş baş məşqçilik edir. Əvvəllər milli komandanın sükanı arxasında Ələkbər Məmmədov, Ağasəlim Mircavadov, Kazbek Tuayev, Vaqif Sadıqov, Əhməd Ələsgərov, İqor Ponomaryov, Əsgər Abdullayev, Karlos Alberto Torres, Şahin Diniyev, Berti Foqts, Robert Prosineçki, Qurban Qurbanov, Nikola Yurçeviç, Canni De Byazi dayanıblar.
