Avstriya: hökumət əldən gedir
Avstriyada parlamentin aşağı palatasına sentyabrın 29-da keçirilmiş seçkinin ilkin nəticələri açıqlanıb. Rəsmi hesabata görə, hökumət başçısı – kansler Karl Nehammerin Xalq Partiyası 183 yerlik Milli Şuraya 52, koalisiya ortağı olan Yaşıllar Partiyası 15 mandat götürür.
Millətçi Azadlıq Partiyası önə çıxaraq 58 mandat əldə edir.
Sosial Demokrat Partiyasının 41, Yeni Avstriya və Liberal Forumun 17 mandata sahib çıxdığı xəbər verilir.
Parlament respublikası olan Avstriyada hökumət Milli Şuraya seçkinin nəticələri əsasında formalaşır. Əsas fiqur kanslerdir.
Prezident ümumxalq seçkisində 6 il müddətinə seçilir. 2016 və 2022-ci illərdə Aleksandr Van der Bellen prezident mandatı alıb.
