2025-ci il büdcəsinin ilkin layihəsi
2025-ci ilin dövlət büdcəsinin ilkin layihəsi açıqlanıb. Rəsmi məlumata görə, büdcədə 36 milyard 616 milyon manat gəlir nəzərdə tutulur. Bunun 12 milyard 781 milyon manatı Dövlət Neft Fondundan köçürmənin, 15,5 milyard manatı Dövlət Vergi Xidmətindən daxilolmaların, 6,6 milyard manatı Dövlət Gömrük Komitəsindən daxilolmaların, 840 milyon manatı büdcə təşkilatlarının büdcədənkənar daxilolmalarının, 859 milyon manatı başqa gəlirlərin payına düşür.
Xərclər 39 milyard 667,6 milyon manat proqnozlaşdırılır, istiqamətlər belə sıralanır: iqtisadi fəaliyyət – 8 milyard 455 milyon manat; müdafiə və milli təhlükəsizlik – 6 milyard 658,3 milyon manat; ümumi dövlət xidmətləri – 5 milyard 241,3 milyon manat; sosial müdafiə və sosial təminat – 4 milyard 998 milyon manat; təhsil – 4 milyard 945,8 milyon manat; məhkəmə hakimiyyəti, hüquq mühafizə və prokurorluq – 3 milyard 207,7 milyon manat; səhiyyə – 1 milyard 997,2 milyon manat; kənd təsərrüfatı – 1 milyard 171,9 milyon manat; mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyət – 635,3 milyon manat; ətraf mühitin mühafizəsi – 417,7 milyon manat; mənzil və kommunal təsərrüfatı – 366,2 milyon manat, əsas bölmələrə aid edilməyən xidmətlər – 1 milyard 573,2 milyon manat.
Dövlət büdcəsində bir barrel neft 70 dollardan götürülür.
