Bazel yolunda
“Avroviziya 2025” beynəlxalq mahnı müsabiqəsinə İsveçrənin Bazel şəhəri ev sahibliyi edəcək. İlk yarımfinal mayın 13-nə, ikinci yarımfinal mayın 15-nə, final mayın 17-nə təyin olunub. Yenilənmiş hesabata görə, İsveçrə ilə yanaşı 27 ölkə yarışda iştirakını təsdiqləyib: Albaniya, Almaniya, Avstriya, Azərbaycan, Belçika, Böyük Britaniya, Çexiya, Danimarka, Estoniya, Finlandiya, Fransa, Gürcüstan, İspaniya, İsrail, İsveç, İtaliya, Kipr, Latviya, Litva, Lüksemburq, Malta, Monteneqro, Norveç, Portuqaliya, San Marino, Serbiya, Ukrayna.
İctimai teleradioları cəmləyən Avropa Yayım Birliyinin 1956-cı ildən keçirdiyi “Avroviziya”da İrlandiya və İsveç 7, Niderland, Fransa, Lüksemburq və Böyük Britaniya 5, İsrail 4, İsveçrə, Danimarka, İtaliya, Norveç və Ukrayna 3, Avstriya, İspaniya və Almaniya 2, Monako, Belçika, Yuqoslaviya, Estoniya, Latviya, Türkiyə, Yunanıstan, Finlandiya, Serbiya, Rusiya, Azərbaycan və Portuqaliya 1 dəfə qalib gəlib.
