Gürcüstan: seçkiyə 27 partiya qatılıb
Gürcüstanda oktyabrın 26-da keçiriləcək parlament seçkisinə 27 partiya qatılıb. Partiyalar 30-200 arası namizəd irəli sürə bilər.
150 yerlik parlament proporsional üsulla (partiya siyahıları üzrə) seçiləcək. Qanunverici orqana düşmək üçün etibarlı səslərin azı 5 faizini toplamaq gərəkdir.
Gürcüstan 2018-ci il dekabrın 16-dan tam parlament idarə üsuluna keçib, icra hakimiyyəti bütünlüklə baş nazirin əlində cəmləşib. Hökuməti qanunverici orqanda çoxluq əldə edən partiya formalaşdırır. 2012, 2016 və 2020-ci illərin parlament seçkilərində Gürcü Arzusu – Demokratik Gürcüstan Partiyası qalib gələrək hökumət qurub.
