Milli Məclisdə qadınlar (1995-2024)
Sentyabrın 1-də keçirilmiş parlament seçkisinin ilkin nəticələrinə görə, 125 nəfərlik Milli Məclisə 26 qadın mandat alır: Ülviyyə Həmzəyeva, Nigar Arpadarai, Səbinə Xasayeva, Gülşən Paşayeva, Günay Əfəndiyeva, Məlahət İbrahimqızı, Könül Nurullayeva, Sevinc Fətəliyeva, Afət Həsənova, Pərvanə Vəliyeva, Pərvin Kərimzadə, Hicran Hüseynova, Mehriban Vəliyeva, Səbinə Salmanova, Elnarə Akimova, Nigar Məmmədova, Sevil Mikayılova, Əminə Ağazadə, Günay Ağamalı, Tənzilə Rüstəmxanlı, Tamam Cəfərova, Jalə Əliyeva, Fatma Yıldırım, Sahibə Qafarova, Sevinc Hüseynova, Ülviyyə Ağayeva.
1991-ci ildə dövlət müstəqilliyi bərpa olunandan Azərbaycanda daha altı parlament seçkisi keçirilib. 1995-ci ildə formalaşan ilk Milli Məclisə 15 qadın seçilib.
2000-ci ildə seçilən parlamentdə qadınların təmsilçiliyi 13 nəfər olub.
2005-ci ilin seçkisində göstərici 14 nəfərə, 2010-cu ilin seçkisində 20 nəfərə, 2015-ci ilin seçkisində 21 nəfərə, 2020-ci ilin seçkisində 22 nəfərə yüksəlib.
