“Avroviziya” heyəti
İsveçrənin ev sahibliyi edəcəyi “Avroviziya 2025” beynəlxalq mahnı müsabiqəsinin ilk yarımfinalı mayın 13-nə, ikinci yarımfinalı mayın 15-nə, finalı mayın 17-nə təyin olunub. Son məlumata görə, 25 ölkə yarışda iştirakını təsdiqləyib: Albaniya, Almaniya, Avstriya, Azərbaycan, Belçika, Böyük Britaniya, Danimarka, Finlandiya, Fransa, Xorvatiya, İspaniya, İsrail, İsveç, İsveçrə, İtaliya, Kipr, Latviya, Litva, Lüksemburq, Malta, Monteneqro, Norveç, Portuqaliya, San Marino, Serbiya.
İctimai teleradioları cəmləyən Avropa Yayım Birliyinin 1956-cı ildən keçirdiyi “Avroviziya”da İrlandiya və İsveç 7, Niderland, Fransa, Lüksemburq və Böyük Britaniya 5, İsrail 4, İsveçrə, Danimarka, İtaliya, Norveç və Ukrayna 3, Avstriya, İspaniya və Almaniya 2, Monako, Belçika, Yuqoslaviya, Estoniya, Latviya, Türkiyə, Yunanıstan, Finlandiya, Serbiya, Rusiya, Azərbaycan və Portuqaliya 1 dəfə qalib gəlib.
