Bank statistikası
Mərkəzi Bank bildirir ki, 2024-cü il avqustun 1-nə Azərbaycanda 25,7 milyard manata yaxın kredit, 14 milyard manata yaxın əmanət rəsmiləşib.
Hesabata görə, Bakıda 19,8 milyard manat kredit qeydə alınıb. Başqa bölgələr belə sıralanır: Abşeron-Xızı – 916 milyon manat, Gəncə-Daşkəsən – 747,7 milyon manat, Lənkəran-Astara – 581,5 milyon manat, Mərkəzi Aran – 521 milyon manat, Qazax-Tovuz – 479,1 milyon manat, Qarabağ – 456,4 milyon manat, Şəki-Zaqatala – 442,6 milyon manat, Quba-Xaçmaz – 422,5 milyon manat, Naxçıvan – 411,1 milyon manat, Şirvan-Salyan – 398,2 milyon manat, Mil-Muğan – 274,7 milyon manat, Dağlıq Şirvan – 172,7 milyon manat.
Bakıda 12,3 milyard manat əmanət qoyulub. Qalan bölgələrin göstəriciləri belədir: Abşeron-Xızı – 451,8 milyon manat, Gəncə-Daşkəsən – 218,7 milyon manat, Quba-Xaçmaz – 128,5 milyon manat, Lənkəran-Astara – 122,1 milyon manat, Şəki-Zaqatala – 119,3 milyon manat, Mərkəzi Aran – 115,2 milyon manat, Qazax-Tovuz – 108,7 milyon manat, Qarabağ – 82,9 milyon manat, Naxçıvan – 68,5 milyon manat, Şirvan-Salyan – 64,9 milyon manat, Mil-Muğan – 45,3 milyon manat, Dağlıq Şirvan – 42,9 milyon manat.
Şərqi Zəngəzur iqtisadi rayonu üzrə statistika açıqlanmır.
22 bankın cəmi aktivləri 49 milyard 89,3 milyon manat, cəmi öhdəlikləri 42 milyard 874,3 milyon manat göstərilir.
Qeyd olunur ki, avqustun 1-nə qaytarılma vaxtı keçmiş kreditlərin məbləği 453,7 milyon manata çatıb. 2024-cü il 437,8 milyon manatla başlamışdı.
