Yeddi aylıq xarici ticarət
Yeddi aylıq xarici ticarət hesabatı yayılıb. Dövlət Gömrük Komitəsi bildirir ki, 2024-cü ilin yanvar-iyul aylarında 169 ölkə ilə ticarət əməliyyatı aparılıb, 16 milyard 98,9 milyon dollarlıq ixrac, 10 milyard 793,2 milyon dollarlıq idxal qeydə alınıb.
İxracın yanvarda 1,8 milyard, fevral və mayda 2,9 milyard, martda 1,2 milyard, apreldə 2,1 milyard, iyunda 1,7 milyard, iyulda 3,1 milyard dolları, idxalın yanvarda 1,1 milyard, fevralda 1,3 milyard, martda 1,2 milyard, apreldə 1,7 milyard, mayda 1,8 milyard, iyunda 1,5 milyard, iyulda 1,9 milyard dolları ötdüyü bildirilir.
Açıqlamaya görə, ixracın 5,82 faizi MDB ölkələrinə, 58,02 faizi Avropa İttifaqı ölkələrinə, 36,16 faizi başqa ölkələrə yönəlib, idxalda MDB-nin payı 25,18 faiz, Avropa İttifaqının payı 14,26 faiz, başqa ölkələrin payı 60,56 faiz olub.
Ticarət dövriyyəsində və ixracda əsas tərəfdaş kimi İtaliya, idxalda əsas tərəfdaş kimi Çin göstərilir.
