Azərbaycandan neft alan ölkələr
2024-cü ilin yanvar-iyul aylarında Azərbaycandan 9,2 milyard dollarlıq xam neft və xam neft məhsulu ixrac olunub. Rəsmi məlumatı yayan Dövlət Gömrük Komitəsi ixrac ünvanlarını statistik dəyərə görə belə sıralayıb: İtaliya, İsrail, Çexiya, Hindistan, Xorvatiya, Portuqaliya, Böyük Britaniya, Almaniya, Rumıniya, Tailand, Tunis, Türkiyə, Yunanıstan, İndoneziya, Niderland, Serbiya, İspaniya, Uruqvay, Polşa, Fransa, İrlandiya, Özbəkistan.
2024-cü ilin dövlət büdcəsində bir barrel neft 75 dollardan götürülüb, “AzəriLayt” markalı Azərbaycan nefti yanvara 80,19, fevrala 86,28, marta 87,51, aprelə 91,85, maya 89,10, iyuna 82,75, iyula 90,06, avqusta 84,02 dollarla başlayıb.
Yanvar-iyul aylarında Azərbaycanda 16,9 milyon ton neft çıxarılıb.
Beynəlxalq öhdəlik ölkənin gündəlik xam neft hasilatı normasını 551 min barrel müəyyən edib.
