Orta maaş
Dövlət Statistika Komitəsi 2024-cü il iyulun 1-nə muzdlu işçilərin orta aylıq nominal əməkhaqqını 1002,8 manat göstərib. Hesabata görə, iqtisadi fəaliyyət növləri üzrə orta maaş belə rəsmiləşib:
mədən sənayesi – 3702 manat;
maliyyə və sığorta fəaliyyəti – 2878,3 manat;
peşə fəaliyyəti, elmi və texniki fəaliyyət – 1720 manat;
informasiya və rabitə – 1710,8 manat;
dövlət idarəetməsi və müdafiə; sosial təminat – 1389 manat;
nəqliyyat və anbar təsərrüfatı – 1359,6 manat;
daşınmaz əmlakla əlaqədar əməliyyatlar – 1112,1 manat;
tikinti – 1066,4 manat;
elektrik enerjisi, qaz və buxar istehsalı, bölüşdürülməsi və təchizatı – 1065,3 manat;
emal sənayesi – 897,2 manat;
əhaliyə səhiyyə xidməti və sosial xidmətlərin göstərilməsi – 850,9 manat;
təhsil – 750,8 manat;
turistlərin yerləşdirilməsi və ictimai iaşə – 747,9 manat;
istirahət, əyləncə və incəsənət sahəsində fəaliyyət – 738,1 manat;
su təchizatı, tullantıların təmizlənməsi və emalı – 718,1 manat;
ticarət; nəqliyyat vasitələrinin təmiri – 668,9 manat;
inzibati və yardımçı xidmətlərin göstərilməsi – 604,5 manat;
kənd təsərrüfatı, meşə təsərrüfatı və balıqçılıq – 563,8 manat;
başqa sahələrdə xidmətlərin göstərilməsi – 1221,3 manat.
Ölkədə minimum aylıq əməkhaqqı 345 manatdır.
Avqustun 1-nə 5 milyon 5,2 min nəfər məşğul şəxs, 218,5 min nəfər işsiz qeydə alınıb.
Hesabata görə, ilin ilk yarısında ölkədə 45,4 min yeni iş yeri açılıb, 4,5 min iş yeri bağlanıb.
