Artımlar, azalmalar
Yanvar-iyul aylarında Azərbaycanda 70 milyard 544 milyon manatlıq, 2023-cü ilin eyni dövrü ilə müqayisədə 4,5 faiz çox ümumi daxili məhsul (ÜDM) istehsal olunub. Hesabatı yayan Dövlət Statistika Komitəsi bildirir ki, neft-qaz sektorunda 1,2 faiz, qeyri-neft/qaz sektorunda 6,7 faiz yüksəliş qeydə alınıb.
Adambaşına ÜDM 6921,4 manat göstərilir.
Rəsmi məlumata görə, sənayenin neft-qaz sektorunda məhsul istehsalı 1,1 faiz, qeyri-neft/qaz sektorunda 8 faiz artıb, yeddi ayda əsas kapitala 9 milyard 438,7 milyon manat məbləğində, ötən ilin yanvar-iyul aylarına nəzərən 2 faiz çox investisiya yönəldilib.
Pərakəndə ticarət dövriyyəsinin real ifadədə 3,4 faiz artdığı vurğulanır.
Qeyd olunur ki, yanvar-iyun aylarında 168 ölkə ilə ticarət əməliyyatları həyata keçirilib, 109 ölkəyə ixrac, 157 ölkədən idxal rəsmiləşib, 2023-cü ilin ilk yarısına nəzərən idxal 6,7 faiz, ixrac 5,7 faiz
azalıb.
Başqa bir hesabata görə, iyulda istehlak qiymətləri 2023-cü ilin eyni ayına nisbətən 2,7 faiz artıb, qida məhsulları, içkilər və tütün məmulatları 2 faiz, qeyri-qida məhsulları 1,7 faiz, ödənişli xidmətlər 4,3 faiz bahalaşıb.
İyulun 1-nə muzdlu işçilərin orta aylıq nominal əməkhaqqının 1002,8 manata çatdığı xəbər verilir.
1996-cı ildə ölkədə ÜDM 1,3 faiz, 1997-ci ildə 5,8 faiz, 1998-ci ildə 10 faiz, 1999-cu ildə 7,4 faiz artıb.
2000-ci ildə 11,1 faiz, 2001-ci ildə 9,9 faiz, 2002-ci ildə 10,6 faiz, 2003-cü ildə 11,2 faiz, 2004-cü ildə 10,2 faiz, 2005-ci ildə 26,4 faiz, 2006-cı ildə 34,5 faiz, 2007-ci ildə 25 faiz, 2008-ci ildə 10,8 faiz, 2009-cu ildə 9,3 faiz, 2010-cu ildə 5 faiz artım rəsmiləşib.
2011-ci il 0,1 faiz, 2012-ci il 2,2 faiz, 2013-cü il 5,8 faiz, 2014-cü il 2,8 faiz, 2015-ci il 1,1 faiz, 2017-ci il 0,2 faiz, 2018-ci il 1,5 faiz, 2019-cu il 2,5 faiz, 2021-ci il 5,6 faiz, 2022-ci il 4,6 faiz, 2023-cü il 1,1 faiz yüksəlişlə bitib.
1995-ci ildə ÜDM-in 11,8 faiz, 2016-cı ildə 3,1 faiz, 2020-ci ildə 4,2 faiz azaldığı bəyan edilib.
