Təbii qaz ixracı nə qədər artıb?
Dövlət Statistika Komitəsinin hesabatına görə, 2024-cü ilin ilk yarısında Azərbaycanda 21 milyard 870,9 milyon kubmetr əmtəəlik təbii qaz ehtiyatı olub, onun 27,5 faizi ölkədə istehlak edilib, 59,8 faizi ixrac olunub, 2,5 faizi itkiyə gedib, 10,2 faizi toxunulmaz qalıb.
Yanvar-iyun aylarında 13 milyard 79,6 milyon kubmetr təbii qaz ixrac edildiyi (2023-cü ilin ilk yarısı ilə müqayisədə 10,8 faiz çox) bildirilir.
Ölkədə təbii qaz əhaliyə bu qiymətlərlə satılır: 1200 kubmetrədək (1200 kubmetr daxil) istehlak – kubmetri 12 qəpik; 1200-2500 kubmetr istehlak – kubmetri 20 qəpik; 2500 kubmetrdən çox istehlak – kubmetri 25 qəpik.
