Qonşuların xarici ticarəti
Yanvar-iyun aylarında Gürcüstanın xarici ticarət dövriyyəsi 2023-cü ilin ilk yarısına nəzərən 1,8 faiz azalaraq 10,3 milyard dollar dəyərində rəsmiləşib. Hesabatı yayan Milli Statistika Xidməti ixracın 6,7 faiz azaldığını, idxalın 0,2 faiz artdığını vurğulayır, əsas xarici ticarət tərəfdaşlarını belə sıralayır: Türkiyə, Rusiya, Çin, ABŞ, Azərbaycan.
Ermənistanın Statistika Komitəsi isə bildirir ki, yarım ildə ölkənin xarici ticarət dövriyyəsi 2023-cü ilin eyni dövrü ilə müqayisədə 2 dəfədən çox artaraq 18,4 milyard dollara çatıb, ixracda 2,3 dəfə, idxalda 86,5 faiz artım qeydə alınıb, xarici ticarət tərəfdaşlarının ilk beşliyində Rusiya, BƏƏ, Çin, İran, ABŞ dayanıb.
