Gürcüstanda qiymətlər
İyulda Gürcüstanın istehlak bazarında qiymətlər 2023-cü ilin eyni ayına nəzərən 1,8 faiz artıb. Hesabatı yayan Milli Statistika Xidməti nəqliyyat xidmətlərində bahalaşmanı 9,4 faiz, mehmanxana və ictimai iaşə xidmətlərində 6,7 faiz, spirtli içkilər və tütün məmulatlarında 4,3 faiz, təhsil sahəsində 3,8 faiz göstərir.
Rəsmi məlumata görə, rabitə xidmətləri 7,6 faiz, geyim və ayaqqabılar 3,8 faiz, kommunal xidmətlər 2,8 faiz, istirahət, əyləncə və mədəniyyət sektoru 1,1 faiz, mebel 1 faiz ucuzlaşıb.
