Büdcənin yarım ili
Rəsmi hesabat yayan Maliyyə Nazirliyi bildirir ki, 2024-cü ilin ilk yarısında dövlət büdcəsinə 18 milyard 842,9 milyon manat gəlib, bunun 44 faizi vergi daxilolmalarının, 33,9 faizi Dövlət Neft Fondundan köçürmənin, 17,3 faizi gömrük rüsumlarının və idxala görə vergi daxilolmalarının, qalanı Mərkəzi Bankın mənfəəti, büdcə təşkilatlarının ödənişli xidmətləri, dövlət əmlakının icarəyə verilməsi üzrə daxilolmaların və başqa daxilolmaların payına düşüb.
Dövlət büdcəsinin yarım illik xərcləri 16 milyard 52,1 milyon manat göstərilir, vəsaitin 61,3 faizinin cari xərclərə, 30,8 faizinin əsaslı xərclərə, 7,9 faizinin dövlət borcuna xidmətlə bağlı xərclərə yönəldildiyi qeyd olunur.
2024-cü ilin dövlət büdcəsində 36 milyard 388 milyon manat gəlir, 39 milyard 742,3 milyon manat xərc nəzərdə tutulur.
