“Avroviziya 2025”: ilkin heyət
“Avroviziya 2025” beynəlxalq mahnı müsabiqəsinə qatılmağa ilkin razılıq verən ölkələrin siyahısı məlum olub. İsveçrənin ev sahibliyi edəcəyi yarışda iştirakını bu ölkələr də təsdiqləyib: Albaniya, Almaniya, Avstriya, Belçika, Danimarka, Finlandiya, Xorvatiya, İspaniya, İsrail, İsveç, İtaliya, Kipr, Latviya, Litva, Lüksemburq, Malta, Norveç, Portuqaliya, Serbiya.
İctimai teleradioları cəmləyən Avropa Yayım Birliyinin 1956-cı ildən keçirdiyi “Avroviziya”da İrlandiya və İsveç 7, Niderland, Fransa, Lüksemburq və Böyük Britaniya 5, İsrail 4, İsveçrə, Danimarka, İtaliya, Norveç və Ukrayna 3, Avstriya, İspaniya və Almaniya 2, Monako, Belçika, Yuqoslaviya, Estoniya, Latviya, Türkiyə, Yunanıstan, Finlandiya, Serbiya, Rusiya, Azərbaycan və Portuqaliya 1 dəfə qalib gəlib.
Azərbaycan 2008-ci ildən başlayaraq 16 yarışa qatılıb, 13 dəfə finala çıxıb.
