![]({"full":{"0":"2020\/10\/MB-son.jpg","1":751,"2":436,"3":false,"file":"https:\/\/novator.az\/wp-content\/uploads\/2020\/10\/MB-son.jpg"}})
Mərkəzi Bank bildirir ki, 2024-cü il iyulun 1-nə Azərbaycanda 25,4 milyard manatdan çox kredit, 14,2 milyard manata yaxın əmanət rəsmiləşib.
Hesabata görə, Bakıda 19,6 milyard manat kredit qeydə alınıb. Başqa bölgələr belə sıralanır: Abşeron-Xızı – 922,6 milyon manat, Gəncə-Daşkəsən – 745,7 milyon manat, Lənkəran-Astara – 577,6 milyon manat, Mərkəzi Aran – 513,6 milyon manat, Qazax-Tovuz – 474,1 milyon manat, Qarabağ – 447,2 milyon manat, Şəki-Zaqatala – 442,8 milyon manat, Quba-Xaçmaz – 422,8 milyon manat, Naxçıvan – 406,2 milyon manat, Şirvan-Salyan – 400,1 milyon manat, Mil-Muğan – 275,7 milyon manat, Dağlıq Şirvan – 176,1 milyon manat.
Bakıda 12,4 milyard manat əmanət qoyulub. Qalan bölgələrin göstəriciləri belədir: Abşeron-Xızı – 459,3 milyon manat, Gəncə-Daşkəsən – 237 milyon manat, Lənkəran-Astara – 137,4 milyon manat, Quba-Xaçmaz – 137 milyon manat, Şəki-Zaqatala – 133,2 milyon manat, Mərkəzi Aran – 127,5 milyon manat, Qazax-Tovuz – 121,9 milyon manat, Qarabağ – 95,5 milyon manat, Naxçıvan – 79,9 milyon manat, Şirvan-Salyan – 77,9 milyon manat, Mil-Muğan – 53,1 milyon manat, Dağlıq Şirvan – 49,7 milyon manat.
Şərqi Zəngəzur iqtisadi rayonu üzrə statistika açıqlanmır.
23 bankın cəmi aktivləri 50 milyard 328,1 milyon manat, cəmi öhdəlikləri 44 milyard 86,3 milyon manat göstərilir.
Qeyd olunur ki, iyulun 1-nə qaytarılma vaxtı keçmiş kreditlərin məbləği 451,7 milyon manata çatıb. 2024-cü il 437,8 milyon manatla başlamışdı.