![]({"full":{"0":"2019\/09\/DGK-loqo-1.jpg","1":770,"2":467,"3":false,"file":"https:\/\/novator.az\/wp-content\/uploads\/2019\/09\/DGK-loqo-1.jpg"}})
Dövlət Gömrük Komitəsi 2024-cü ilin ilk yarısı üzrə hesabatında qeyri-neft/qaz sektorunun payına düşən ixracı 1 milyard 596 milyon dollar göstərib. Məlumata görə, meyvə-tərəvəz ixracı 334,5 milyon dollar, plastmas və ondan hazırlanan məmulatlar ixracı 184,9 milyon dollar, kimya sənayesi məhsulları ixracı 126,6 milyon dollar, pambıq lifi ixracı 117,5 milyon dollar, alüminium və ondan hazırlanan məmulatlar ixracı 100,3 milyon dollar, elektrik enerjisi ixracı 51 milyon dollar, qara metallar və onlardan hazırlanan məmulatlar ixracı 40,4 milyon dollar, alkoqollu və alkoqolsuz içkilər, sirkə ixracı 33 milyon dollar, sement ixracı 20,5 milyon dollar, tərəvəz və meyvələrin emal məhsulları ixracı 19,7 milyon dollar, şəkər ixracı 13,5 milyon dollar, bitki və heyvan mənşəli piylər və yağlar ixracı 12,6 milyon dollar, iplik pambıq ixracı 11 milyon dollar, çay ixracı 3,1 milyon dollar dəyərində rəsmiləşib.
Yarım ilin əsas idxal məhsulları dəyərinə görə belə sıralanır: maşın, mexanizm, elektrik aparatları, avadanlıqlar və onların hissələri – 1,7 milyard dollar, yeyinti məhsulları – 1,1 milyard dollar, nəqliyyat vasitələri və onların hissələri – 1 milyard 39 milyon dollar, qara metallar və onlardan hazırlanan məmulatlar – 587,6 milyon dollar, plastmas və onlardan hazırlanan məmulatlar – 252,3 milyon dollar, əczaçılıq məhsulları – 248 milyon dollar, oduncaq və ondan hazırlanan məmulatlar – 187,3 milyon dollar, geyim və geyim ləvazimatı – 181,4 milyon dollar, mebel və onun hissələri – 67,1 milyon dollar, tütün və tütün məmulatları – 54,3 milyon dollar, gübrə – 41,4 milyon dollar.